ខេត្តមណ្ឌលគិរី៖ ថ្ងៃពុធ ៦កេីត ខែចេត្រ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែមេសា ឆ្នាំ២០១៩ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី បានអញ្ជេីញជាអធិបតីក្នុងពិធីសំណេះសំណាល សួរសុខទុក្ខអតីតយុទ្ធជន និងពិសារអាហារសាមគ្គី ក្នុងឱកាសអបអរសាទរបុណ្យចូលឆ្នាំថ្មីប្រពៃណីជាតិខ្មែរ ដើម្បីបង្កើននូវភាពស្និតស្នាល នឹងបានដឹងពីសុខទុក្ខរបស់អតីតយុទ្ធជន ដែលកន្លងមក បានលះបង់ទាំងកម្លាំងកាយ កម្លាំងចិត្ត បម្រើជាតិមាតុភូមិ រក្សានូវសុខសុវត្ថិភាពសង្គម និងធ្វើឱ្យប្រទេសជាតិមានសន្តិភាពដូចបច្ចុប្បន្ន ក្នុងពិធីនេះដែរមានការចូលរួមពីសំណាក់ឯកឧត្តម ឧកញ៉ា អ៉ឹង ស៊ីតាតវីរៈ ប្រធានកិត្តិយសសាខាកាកបាទក្រហមកម្ពុជាខេត្ត ព្រមទាំងលោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត និងអតីតយុទ្ធជនប្រមាណជា៣០០នាក់ មកពីក្រុង/ស្រុកទាំង៥ក្នុងខេត្ត នៅទីបញ្ជាការតំបន់ប្រតិបត្តិការសឹករងមណ្ឌលគិរី
