ខេត្តមណ្ឌលគិរី ៖ ព្រឹកថ្ងៃចន្ទ ១២រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨ ខែកុម្ភៈ ឆ្នាំ២០២២ នៅមន្ទីរគណបក្សខេត្តមណ្ឌលគិរី បានរៀបចំកម្មវិធីបេីកវគ្គបណ្តុះបណ្តាលច្បាប់ បទបញ្ជា និងនីតិវិធីបោះឆ្នោត ជ្រេីសរេីសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ជូនដល់សិក្ខាកាមដែលជាគ្រូបង្គោលចំនួន ២៥រូប ចំណុះគណៈកម្មាធិការគណបក្សប្រជាជនកម្ពុជាក្រុង ស្រុកទាំង៥នៃខេត្តមណ្ឌលគិរី ក្រោមអធិបតីភាព ឯកឧត្តម ម៉ែន ង៉ុយ អនុប្រធានគណៈកម្មាធិការគណបក្សខេត្តមណ្ឌលគិរីនិងជាប្រធានគណៈប្រចាំការ នៅមន្ទីរគណបក្សខេត្តមណ្ឌលគិរី ។ វគ្គបណ្តុះបណ្តាលផ្តោតសំខាន់ទៅលេីទិដ្ឋភាពច្បាប់ បទបញ្ជា និងនីតិវិធីនៃការបោះឆ្នោតជ្រេីសរេីសក្រុមប្រឹក្សាឃុំ សង្កាត់ និងតួនទីភារកិច្ចភ្នាក់ងារ និងអ្នកសង្កេតការណ៍ក្នុងដំណេីរការបោះឆ្នោត និងរាប់សន្លឹកឆ្នោត។
